出social camp至今,興奮至今
第一次做奶爸,卻給到我確實一份「家」的感覺
團結,坦誠,關愛,互助,凝聚力強,係綠毛蟲的icon
尋日在MBG07聽講座
綠毛蟲係唯一一組全組freshmen10個人齊,組爸媽奶爸媽全齊的一組
其他組東殘西缺,更有冇去social camp的人被丟在角落十分無奈
當大家都一面茫然地在聽著MC講解reg科的程序時
大家一二三大叫：「綠毛蟲同大家講,我地明白曬啦！！！」
全場當場呆左.................
極盡挑釁之餘,亦反映大家的team spirit是非常強大,令其他組羨幕不暇
但事實,大家根本唔識reg = =
嘻嘻哈哈玩成一堆,你問問我,我問問你,互相討論
咁就搞掂了
之後齊人上茶樓飲茶re-u
相信係social camp最早re u的一組
好型啊,綠毛蟲!!!!!!!!!

收到你地reg科的「求救電話」
竟然係異常開心
很開心能幫到你地每一位
facebook被瘋狂地tag相
也想不起原來拍了這麼多相片
看到組仔女在facebook的note的真誠分享
看到組仔女由最初的青澀陌生,而家糖癡豆
我很proud of綠毛蟲的每一位
仔女老婆我愛你地每一位
始終都係那句
過程係辛苦,回憶卻係甘甜
最重要的,係識到一班在大學3年,甚至係一輩子的朋友
共勉

口號：綠毛蟲   拍拍拍   綠毛蟲   拍拍拍   動L動L變成龍   YEACH!!!

尋日會考放榜
細老13分,肥左中文 = =
家人猛地同佢撲學校,可惜全部拒諸門外
14分未夠
中英合格又未夠
雙重「未夠」,尷尬得很 = =
聽日第4階段,最後機會
西貢區而又適合學科的學校得返鳴遠和靚次伯
晚上打聽到今晚8,9點已有家長在鳴遠排隊
媽媽和細老打算聽早6點就去學校排隊
唉,簡單一句話
呢2日好鬼攰!

我家從未經歷過這種尷尬的過程
前3人放榜很順利
結果沒有那種應變經驗
驟那間收到消息也不知如何處理
去撲匯x,圓x,香島一見中文肥老全都reject
他媽的等到第4階段所剩無幾
要怪細老嗎?
怪他不努力讀書嗎?
老實說
他比起初中已經努力了很多,今次也盡了部分力
要怪的,只怪起步太遲,根基不足

家人曾討論過究竟常規預科課程適合細老嗎?
認識林國全的人都知
冇恆心,定力不夠,懶散是佢學習的缺點
副學士先修,文憑會否更適合好動,活潑,喜好拆野搞鬼的佢
似乎送佢上預科有送佢去死之意
不過諗深一層
預科2年,是磨練自己意志和鬥心的時刻
適當壓力令人成長
再者,中五就中學畢業,未能完整完成香港中學生涯
始終是一個遺憾
最重要的
是佢自己選擇希望先走預科之路
路是他自己的,佢應該為自己選擇
我們支持佢的決定!!!

徐玉清曾說林國全雖然頑皮
但唔擔心佢會變壞
唔係因為對佢為人堅定有信心
而係因為佢有家人強大的back up
坦白說,佢從小經常鬧出事,爸媽經常擔心
每次佢出事,家人每一位都非常重視
今次事件
家人開了多次「家庭會議」
我,哥哥,姐姐紛紛替佢打了無數次電話比朋友長輩問意見
上網找了無數次升學途徑的資料
媽媽和我老早就去了多間學校排隊
爸媽多次想鬧佢冇出息,我姊弟3人在媽媽面前多次勸籲
細老拿到成績後好灰,我們亦不再落井下石
父母連即使一年4萬蚊的pre asso課程,亦無限量支持
開口叫佢不用擔心學費,以免影響佢決定
今日暑假前,他從小成長在安樂窩
暑假開始返左3次工,接而被炒3次
今次會考滑鐵盧,整整2日佢全日出去撲學校,再被人reject
希望佢真的能夠成熟長大

p.s.佢而家半夜12點剛剛踩單車過去鳴遠排隊
呢個學費實在得來不易
希望真是苦盡甘來
林國全,還不發憤讀書!!!